पाचगणीः मोघलकाळात सर्वसामान्य व बहुजन समाजावर विनाकारण अन्याय,अत्याचार होत होता.सर्व जनतेस आपले स्वराज्य हवे होते.म्हणूनच छ.शिवाजी महाराजांनी बहुजनांसाठी रयतेच्या हिंदवी स्वराज्याची निर्मिती केली. असे मत महेता काॅलेजच्या इतिहास विभागप्रमुख डाॅ.सुनिता गित्ते यांनी व्यक्त केले. पाचगणी येथील महेता काॅलेजमध्ये शिवस्वराज्य दिनानिमित्त आयोजित "रयतेचे राज्य शिवस्वराज्य" या विषयावरील व्याख्यानात प्रमुख वक्त्या म्हणून त्या बोलत होत्या.अध्यक्षस्थानी प्र.प्राचार्य प्रोफेसर डाॅ.किरण शिंदे होते.यावेळी प्रा.जयंत शिंदे,प्रा.संतोष निलाखे यांची प्रमुख उपस्थिती होती. अध्यक्षस्थावरून बोलताना प्र.प्राचार्य प्रो.डाॅ.किरण शिंदे म्हणाले,छ.शिवाजी महाराजांनी रयतेच्या मनातील बहुजनांचे राज्य निर्माण केले.महाराजांचे नेतृत्व,समता,परोपकार आदी गुण आदर्शवृत आहेत. यावेळी डाॅ.तुकाराम राबाडे यांनी मनोगत व्यक्त केले. प्रास्ताविक प्रा.संतोष निलाखे यांनी केले.सूत्रसंचालन प्रा.सुनील नवघरे यांनी केले.आभार डाॅ.प्रियदर्शनी कांबळे यांनी मानले.कार्यक्रमास प्राध्यापक व प्रशासकीय सेवक उपस्थित होते.
No comments:
Post a Comment