महाविद्यालयीन तरूण - तरूणींनी महिलांचा लैंगिक छळ कायद्याबाबत समाजात जनजागृती करावी: अॅड रसिक सूर्यवंशी
पाचगणी : समाजात नोकरीच्या ,कामाच्या ठिकाणी महिलांवरील अत्याचार,लैगिंग शोषन वाढलेआहे.नोकरदार महिलांनी संघटीत होवून होत असलेल्या अन्यायाबाबत आवाज उठवावा व संबधितास कायद्याने धडा शिकवावा.महाविद्यालयीन युवतींनीही मी टू मोहिम व महिलाचा लैंगिक छळ कायद्याबाबत समाजात जनजागृती करण्यासाठी पुढाकार घ्यावा,असे मत अॅड.रसिक सुर्यवंशी यांनी व्यक्त केले.
पाचगणी येथील श्रीमती मीनलबेन महेता काॅलेजमध्ये इतिहास विभाग व अंतर्गत तक्रार निवारण समितीच्यावतीने "कामाच्या ठिकाणी महिलांचा लैंगिक छळ अधिनियम -2013 " या विषयावर आयोजित व्याख्यानात प्रमुख पाहुणे म्हणून ते बोलत होते.अध्यक्षस्थानी प्राचार्य डाॅ.अरूण गाडे होते.यावेळी इतिहास विभागप्रमुख डाॅ.सुनिता गित्ते,प्रा.रेश्मा देवरे ,प्रा.सारिका शिंदे यांची प्रमुख उपस्थिती होती.
प्राचार्य डाॅ.अरूण गाडे म्हणाले , समाजात महिलांवरील अन्याय अत्याचारात वाढ होत आहे.महिलांनी आपल्यावरील अन्याय,अत्याचाराची पोलीसात रितसर तक्रार देवून आरोपींना शिक्षा करावी.महाविद्यालयीन युवतींनी महिला संरक्षण व कायद्याविषयक चळवळीत सहभागी होवून समाजात जनजागृती करावी.
प्रारंभी अॅड रसिक सुर्यवंशी व प्राचार्य डाॅ.अरूण गाडे यांच्या हस्ते प्रतिमापूजन व दीपप्रज्वलन करण्यात आले.प्रास्ताविक इतिहास विभागप्रमुख डाॅ.सुनिता गित्ते यांनी केले.आभार प्रा.सारिका शिंदे यांनी मानले.सुत्रसंचालन प्रा.रेश्मा देवरे यांनी केले. कार्यक्रमास प्राध्यापक,प्रशासकीय सेवक,विद्यार्थी- विद्यार्थिनी उपस्थित होते.
No comments:
Post a Comment