शिवाजी विद्यापीठ क्राॅस कंट्री स्पर्धा

शिवाजी विद्यापीठ क्राॅस कंट्री स्पर्धेत वारणानगर व नेसरी महाविद्यालयांना विजेतेपद

मुलांमध्ये रिलेश मांगले (सांगलीवाडी) तर मुलींमध्ये रेश्मा केवते (कोरेगाव ) प्रथम क्रमांकाचे मानकरी

पाचगणी : श्रीमती मीनलबेन महेता काॅलेजने पाचगणीत आयोजित केलेल्या शिवाजी विद्यापीठ आंतरविद्यापीठ क्राॅस कंट्री स्पर्धा उत्साहात पार पडल्या.महाविद्यालयीन सांघीक स्पर्धेमध्ये मुलांच्या गटात यशवंतराव चव्हाण महाविद्यालय, वारणानगर तर मुलींच्या गटात टी.के.कोळेकर काॅलेज,नेसरी या महाविद्यालयांनी विजेतेपद मिळविले.वैयक्तिक स्पर्धेत मुलांच्या गटात रिलेश संध्यानंद मांगले( डाॅ.पी.के.काॅलेज,सांगलीवाडी) याने तर मुलींच्या गटात रेश्मा दत्तू केवते( डी.पी.भोसले काॅलेज,कोरेगाव )हे प्रथम क्रमांकाचे मानकरी ठरले.विजेत्या स्पर्धकांची अखिल भारतीय आंतर विद्यापीठ स्पर्धेसाठी शिवाजी विद्यापीठ संघात निवड झाली आहे.

     स्पर्धेतील विजेत्यांना पाचगणीचे सपोनि विकास बडवे,शिवाजी विद्यापीठाचे क्रीडा संचालक डाॅ.पी.टी.गायकवाड,प्राचार्य डाॅ.अरूण गाडे,प्रा.आर.टी.पाटील,स्पर्धा संयोजक प्रा.दत्तात्रय मोहिते यांच्या हस्ते ट्राॅफी देवून सन्मानित करण्यात आले.यावेळी डाॅ.आय.एच.मुल्ला,प्रा.ए.यू.माने,डाॅ.विकास जाधव यांची प्रमुख उपस्थिती होती.          स्पर्धेतील विजेते अनुक्रमे याप्रमाणे वैयक्तिक मुलांचा गट - रिलेश संध्यानंद मांगले (डाॅ.पी.के.काॅलेज,सांगलीवाडी)हर्षवर्धन संतोष दबाडे, (एल.बी.एस.काॅलेज,सातारा)प्रतिक शिवाजी उंबरकर, (किसन वीर काॅलेज,वाई)किरण कृष्णात दिंडे, (वाय.सी.डब्लू काॅलेज,वारणानगर)वैभव एकनाथ पाटील,(ए.सी,एस.काॅलेज,गडहिंग्लज)महेश संजय खामकर(नाइट काॅलेज,कोल्हापूर)मुलींचा गटातील विजेते अनुक्रमे याप्रमाणे रेश्मा दत्तू केवते, (डी.पी.भोसले काॅलेज,कोरेगाव)सायली सुनिल कोकीटकर ,(शिवराज काॅलेज,गडहिंग्लज)वैशाली विलासराव सावंत ,(दहिवडी काॅलेज)प्रतिक्षा किरण पाटील ,(नेसरी)संजीवनी श्रीकांत दिंडे, (नेसरी)स्नेहल नामदेव हिरवे (किसन वीर काॅलेज,वाई)    सांघिक स्पर्धेतील विजेते याप्रमाणे मुलांचा गट -प्रथम -वाय.सी.काॅलेज,वारणानगर,द्वितीय - जयसिंगपूर काॅलेज,तृतीय - ए.सी.एस.काॅलेज,गडहिंग्लज मुलींचा गट प्रथम - टी.के.काॅलेज,नेसरी,द्वितीय - शिवराज काॅलेज,गडहिंग्लज,तृतीय - किसन वीर ,वाई पंच म्हणून डाॅ.गणेश सिंहासन,प्रा.एन.डी.बनसोडे,प्रा.प्रविण नांदगावे,प्रा.राहूल मगदूम,प्रा.कांचन बेल्लाद यांनी काम पाहिले.