महेता काॅलेजमध्ये " गिरिस्थान" नियतकालिकाचे प्रकाशन

महेता काॅलेजमध्ये गिरिस्थान नियतकालिकाचे प्रकाशन करताना प्राचार्य डाॅ.किरण शिंदे,डाॅ.बी.एन.कोकरे,संतोष कवी,प्रकाश गोळे,संपादक प्रा.अनंता कस्तुरे व संपादक मंडळ                

  पाचगणीः श्रीमती मीनलबेन महेता काॅलेजच्या " गिरिस्थान " या नियतकालिकाचे प्रकाशन प्र.प्राचार्य डाॅ.किरण  शिंदे,डाॅ.बी.एन.कोकरे,मा.प्रकाश गोळे,संतोष कवी या मान्यवरांच्या हस्ते करण्यात आले.गिरिस्थान नियतकालिकात महाविद्यालयातील नवोदित विद्यार्थी लेखकांचे लेख,कथा,कविता,समीक्षण आदी लेखन साहित्य प्रसिध्द केले आहे.   

     महाविद्यालयात गिरिस्थान नियतकालिक संपादक समितीच्यावतीने या प्रकाशन समारंभाचे आयोजन करण्यात आले होते.प्रमुख पाहुणे मा.प्रकाश गोळे व मा.संतोष कवी होते.अध्यक्षस्थानी प्र.प्राचार्य डाॅ.किरण शिंदे होते.यावेळी डाॅ.बी.एन.कोकरे ,गिरिस्थानचे प्रमुख संपादक प्रा.अनंता कस्तुरे ,(मराठी विभाग)इंग्रजी विभागाचे सहसंपादक प्रा.जयंत शिंदे,हिंदी विभागाचे सहसंपादक प्रा.नरेंद्र फडतरे,विज्ञान विभागाचे सहसंपादक डाॅ.बी.टी.दांगट,फोटो विभागाचे सहसंपादक प्रा.संतोष निलाखे,जाहिरात विभागाचे प्रा.दत्तात्रय मोहिते,अहवाल विभागाचे सहसंपादक प्रा.शरद संघवी यांची प्रमुख उपस्थिती होती.    

       प्राचार्य डाॅ.किरण शिंदे म्हणाले,गिरिस्थान नियतकालिकातून विद्यार्थ्यांच्या लेखन कौशल्याला योग्य संधी मिळाली.नवोदित लेखक घडविण्यात महाविद्यालयीन नियतकालिकाचा महत्वाचा वाटा आहे.   प्रास्ताविक प्रा.अनंता कस्तुरे यांनी केले.सूत्रसंचालन प्रा.नरेंद्र फडतरे यांनी केले.आभार प्रा.जयंत शिंदे यांनी मानले.कार्यक्रमास प्राध्यापक व प्रशासकीय सेवक उपस्थित होते.