युवकांनी व्यावसायिक कौशल्यातून करिअर घडवावे: अभिषेक घागरे

युवकांनी व्यावसायिक कौशल्यातून करिअर घडवावे : अभिषेक घागरे         

                   

 पाचगणी:युवकांनी पारंपरिक अभ्यासक्रमाबरोबरच आवडणारी विविध व्यावसायिक कौशल्ये आत्मसात करावित.ही कौशल्येच व्यक्तिमत्वाचा विकास करून करिअर घडवतील,असे प्रतिपादन उद्योग उत्कर्ष सामाजिक संस्था वाईचे संस्थापक अध्यक्ष अभिषेक घागरे यांनी व्यक्त केले.

   पाचगणी येथील श्रीमती मीनलबेन महेता काॅलेजमध्ये अर्थशास्र विभाग व प्लेसमेंट सेल यांच्यावतीने आयोजित 'करिअर कौशल्ये ' याविषयावरील व्याख्यानात प्रमुख पाहुणे म्हणून ते बोलत होते.अध्यक्षस्थानी प्राचार्य डाॅ.अरूण गाडे होते.यावेळी अर्थशास्र विभागप्रमुख प्रा.सतिश कुदळे,डाॅ.तुकाराम राबाडे,काॅमर्स विभागप्रमुख डाॅ.जी.एस.बोत्रे यांची प्रमुख उपस्थिती होती.

   प्राचार्य डाॅ.अरूण गाडे म्हणाले,विद्यार्थ्यांनी जीवनात महाविद्यालयीन शिक्षणाबरोबरच व्यावसायिक कौशल्याचे प्रशिक्षण घेणे गरजेचे आहे.जीवनात यशस्वी होण्यासाठी व करिअर घडविण्यासाठी विविध कोर्सेस उपयुक्त ठरतात. 

    प्रास्ताविक डाॅ.तुकाराम राबाडे यांनी केले.आभार प्रा.सतिश कुदळे यांनी मानले.कार्यक्रमास प्राध्यापक व विद्यार्थी उपस्थित होते.