मराठी विभागाच्या वतीने अण्णाभाऊ साठे जयंती " लेखन प्रेरणा दिन " म्हणून साजरी

 

    मराठी विभाग व महाराष्ट्र राज्य मराठी विश्वकोश निर्मिती मंडळ, वाई

                           यांच्या सयुंक्त विद्यमाने

                  वाचन प्रेरणा दिन निमित्त

                  निबंध लेखन,पुस्तक परीक्षण व चित्रपट परीक्षण स्पर्धा

                            श्रीमती मीनलबेल मेहता कॉलेज, पाचगणी मराठी विभाग व विश्वकोश निर्मिती मंडळ वाई यांच्या संयुक्त विद्यमाने अभिजात मराठी भाषा सप्ताह व मराठी वाचन प्रेरणा दिन या निमित्त निबंध लेखन ,पुस्तक परीक्षण व चित्रपट परीक्षण स्पर्धा आयोजित करण्यात आल्या या स्पर्धेमध्ये विद्यार्थ्यांनी उत्स्फूर्त सहभाग घेतला.

              निबंध लेखन स्पर्धेमध्ये विराज उमेश परामने बी.ए भाग -२ या विद्यार्थ्यांने प्रथम क्रमांक प्राप्त केला. त्याने “ मराठी असे आमची मायबोली ”  या विषयावर निबंध लिहिला. द्वितीय क्रमांक रिद्धी गणेश पिसाळ बी.कॉम - भाग एक हिने ”  कृत्रिम बुद्धिमत्ता काळाची गरज “ या विषयावर निबंध लिहिला.

                  पुस्तक परीक्षण स्पर्धेमध्ये स्नेहल धर्मू येवले बी.ए भाग -३  या विद्यार्थिनींनी प्रथम क्रमांक प्राप्त केला तिने ”  रिच डॅड प्युअर डॅड “ या पुस्तकावर परीक्षण लिहिले

             चित्रपट परीक्षक स्पर्धेमध्ये स्नेहल धर्मू येवले बी.ए भाग -३  हिने प्रथम क्रमांक प्राप्त केला. तिने “ नवरदेव बीएससी ऍग्री “ या मराठी चित्रपटावर परीक्षण लिहिले. द्वितीय क्रमांक भारती तानाजी निकम बी.ए भाग -एक हिने प्राप्त केला. तिने    या मराठी चित्रपटावर परीक्षण लिहिले. तर एकरा मुबीन चिपाडे बीएस.सी भाग -३  हिने तृतीय क्रमांक प्राप्त केला.तिने चित्रे जैत या चित्रपटावर परीक्षण लिहिले.

         या स्पर्धा प्राचार्य डॉ. सतीश देसाई यांच्या मार्गदर्शनाखाली पार पडल्या .स्पर्धा संयोजन करण्यासाठी मराठी विभागाचे प्रा. माणिक वांगीकर, प्रा. रमेश कुमार कोळेकर यांचे सहकार्य लाभले. परीक्षण डॉ.सुनील खोत, प्रा. ऋषिकेश इनामदार, प्रा.  जी गाडेकर यांनी केले.या स्पर्धा आयोजित केल्यामुळे विद्यार्थ्यांच्या लेखन कौशल्यास वाव मिळाला तसेच विद्यार्थ्यांनी निबंधाच्या माध्यमातून स्वतःचे अनुभव मानले तसेच पुस्तक व चित्रपट परीक्षण करून एक परीक्षक म्हणून त्यांनी मांडलेली मते महत्त्वाची ठरली.या स्पर्धेमध्ये विद्यार्थ्यांनी उत्स्फूर्त सहभाग घेतला.

मराठी विभागास लेखक आपल्या भेटीला उपक्रमांर्तंगत किरण गुरव यांची भेट

मराठी भाषा गौरव दिन भित्तिपत्रिका व प्रतिमापूजनाने साजरा

महेता काॅलेजमध्ये भारतीय भाषा दिवस साजरा

मराठी भाषा संवर्धन पंधरवडानिमित्त ग्रंथप्रदर्शन,वाचन कट्टा,अभय फिरती पुस्तक पेटी योजना उपक्रम संपन्न

महेता काॅलेजमध्ये भारतीय भाषा दिन साजरा

महेता काॅलेजमध्ये शिक्षक दिन साजरा

श्रीमती मीनलबेन महेता कॉलेजमध्ये सांस्कृतिक विभागाच्या वतीने डाॅ.सर्वपल्ली राधाकृष्णन यांची जयंती  प्रतिमा पूजन व व्याख्यान या उपक्रमांनी साजरी करण्यात आली.

        कार्यक्रमाच्या प्रमुख पाहुणे सामाजिक कार्यकर्ते संतौष कवी,प्राचार्य डाॅ.सतीश देसाई ,सांस्कृतिक विभाग प्रमुख डाॅ.अनंता कस्तुरे आदी मान्यवरांच्या हस्ते प्रतिमापूजन व दिप प्रज्वलन करुन अभिवादन करण्यात आले.  

   मा.संतोष कवी म्हणाले,डाॅ.सर्वपल्ली राधाकृष्णन  यांनी शैक्षणिक व सामाजिक कार्यासाठी तसेच देशाच्या सर्वांगिण विकासासाठी दिलेले योगदान सर्वांना आदर्शवत आहे.सर्वांच्या जीवनात शिक्षकांचे योगदान महत्वपूर्ण आहे. 

    प्रास्ताविक डाॅ.अनंता कस्तुरे यांनी केले. सूत्रसंचालन प्रा.लोमेशकुमार कोळेकर यांनी केले.आभार डॉ. आक्रम मुजावर यांनी मांडले. या कार्यक्रमास सर्व प्राध्यापक व विद्यार्थी उपस्थित होते.

मीनलबेन महेता कॉलेजमध्ये सांस्कृतिक विभागाच्या वतीने संस्थामाता सुशीलादेवी साळुंखे यांची जयंती प्रतिमा पूजन व व्याख्यान या उपक्रमांनी साजरी

श्रीमती मीनलबेन महेता कॉलेजमध्ये सांस्कृतिक विभागाच्या वतीने संस्थामाता सुशीलादेवी साळुंखे यांची जयंती प्रतिमा पूजन व व्याख्यान या उपक्रमांनी साजरी करण्यात आली.

कार्यक्रमाच्या प्रमुख पाहुण्या मा. नगराध्यक्षा लक्ष्मीताई कराडकर,प्राचार्य डाॅ.सतीश देसाई ,प्रमुख वक्ते डाॅ.अनंता कस्तुरे आदी मान्यवरांच्या हस्ते प्रतिमापूजन व दिप प्रज्वलन करुन अभिवादन करण्यात आले.

मा.लक्ष्मीताई कराडकर म्हणाल्या,संस्थामाता सुशीलादेवी साळुंखे यांनी शैक्षणिक व सामाजिक कार्यासाठी दिलेले योगदान सर्वांना प्रेरणादायी आहे.आज सर्वांनी त्यांचा आदर्श घेवून वाटचाल करावी.डाॅ. अनंता कस्तुरे यांनी संस्थामाता सुशीलादेवी साळुंखे यांचे जीवनकार्य विषद केले.

       अध्यक्षस्थानावरून बोलताना प्राचार्य डाॅ.सतीश देसाई म्हणाले , संस्थामाता सुशीलादेवी साळुंखे यांनी भूमिगत चळवळीतील स्वातंत्र्यसैनिकांना तसेच  वसतीगृहातील  विद्यार्थ्यांना जेवण करून घातले. संस्थामातांनी संस्थेच्या विकास व विस्तारात दिलेले योगदान महत्वपूर्ण आहे. प्रास्ताविक प्रा. माणिक वांगीकर यांनी केले. सूत्रसंचालन प्रा.लोमेशकुमार कोळेकर यांनी केले.आभार डॉ. आक्रम मुजावर यांनी मांडले. या कार्यक्रमास सर्व प्राध्यापक व विद्यार्थी उपस्थित होते.

डाॅ.अनंता कस्तुरे - Use Of ICT वापर

मेहता कॉलेजमध्ये ह.भ.प.दत्रात्रय महाराज कळंबे जयंती साजरी

मेहता कॉलेजमध्ये ह.भ.प.दत्रात्रय महाराज कळंबे जयंती साजरी

  श्रीमती मीनलबेन महेता काॅलेजमध्ये ह .भ. प. दत्तात्रय महाराज कळंबे यांची जयंती प्रतिमापूजन,दीपप्रज्वलन व व्याख्यान या उपक्रमांनी  साजरी करण्यात आली. कार्यक्रमाचे प्रमुख पाहुणे ह .भ .प . विनोद कळंबे महाराज होते. अध्यक्षस्थानी प्राचार्य डॉ.सतीश देसाई होते.  यावेळी उपप्राचार्य प्रा. नरेंद्र फडतरे,सांस्कृतिक विभागप्रमुख डाॅ.अनंता कस्तुरे,डाॅ.आक्रम मुजावर यांची प्रमुख उपस्थिती होती.

         ह. भ. प .विनोद कळंबे महाराज म्हणाले की ,

ह. भ. प. दत्तात्रय महाराज कळंबे यांनी वाई,महाबळेश्र्वर,जावळी 

परिसराचा  सर्वांगीण विकास केलेला आहे.महाराजांचा धार्मिक आध्यात्मिक, सामाजिक, शैक्षणिक ,क्रीडा क्षेत्रातील कार्याचा वारसा तरुणांनी जपावा. महाराजांचे विविधांगी कार्य सर्वसामान्यांपर्यंत पोहचविणे  गरजेचे आहे. 

        प्राचार्य डाॅ.सतीश देसाई म्हणाले कळंबे महाराज यांच्यामुळेच आम्ही घडलो. महाराजांच्या आशीर्वादामुळेच  महेता कॉलेज सर्वांगीन विकास करीत आहे. महाविद्यालयाच्या विकासात कळंबे महाराजांचे योगदान महत्त्वपूर्ण असे आहे.

    प्रास्ताविकात  सांस्कृतिक विभागप्रमुख डॉ. अनंता कस्तुरे यांनी ह. भ .प. कळंबे महाराज यांनी सहकार,कृषी ,धार्मिक, क्रीडा शैक्षणिक आदी क्षेत्रात केलेल्या कार्याचा आढावा घेतला. ह .भ. प. दत्रात्रय महाराज यांनी देवमाणसाप्रमाणे समाजाची सेवा केली. कार्यक्रमाचे आभार डॉ.आक्रम मुजावर यांनी मानले.कार्यक्रमास प्राध्यापक. प्रशासकीय सेवक व विद्यार्थी - विद्यार्थिनी उपस्थित होते.

मेहता कॉलेजमध्ये शिक्षणमहर्षी डॉ. बापूजी साळुंखे यांचा 36 वा स्मृतिदिन विविध उपक्रमांनी साजरा

श्रीमती मीनलबेन मेहता कॉलेजमध्ये शिक्षणमहर्षी डॉ. बापूजी साळुंखे यांचा 36 वा स्मृतिदिन प्रतिमा पूजन, दीपप्रज्ज्वलन,पूतळा अभिवादन व व्याख्यान अशा विविध उपक्रमांनी साजरा करण्यात आला .

महाविद्यालयातमध्ये सांस्कृतिक विभागाच्या वतीने या कार्यक्रमाचे आयोजन करण्यात आले. प्रमुख पाहुणे प्रा. माणिक वांगीकर,माजी विद्यार्थी संघाचे सचिव संजय आब्रांळे,प्र. प्राचार्य डॉ.बी. एन. कोकरे, कला व वाणिज्य विभागाचे प्रमुख प्रा.नरेंद्र फडतरे ,सांस्कतिक विभागप्रमुख डाॅ.अनंता कस्तुरे,राष्टीृय सेवा योजना समन्वयक प्रा.मकरंद सकटे,डाॅ.आक्रम मुजावर यांची प्रमुख उपस्थिती होती.

प्रा.माणिक वांगीकर म्हणाले, शिक्षणमहर्षी डॉ. बापूजी साळुंखे यांनी शैक्षणिक, सामाजिक, सांस्कृतिक, साहित्यिक आदी क्षेत्रात केलेले कार्य उल्लेखनीय आहे. बापूजी यांच्यामुळेच महाराष्ट्रातील दीनदलित ,झोपडपट्टी व सर्वसामान्य विद्यार्थी शिक्षण घेऊ शकले. त्यांचे तत्त्वज्ञान आणि कार्य सर्वांना दिशादर्शक आहे .आजच्या तरुणांनी बापूजींचा वारसा जतन करावा असे आवाहन त्यांनी केले.

अध्यक्षस्थानावरून बोलताना प्र.प्राचार्य डॉ.बाळासाहेब कोकरे म्हणाले ,शिक्षणमहर्षी डॉ.बापूजी साळुंखे यांच्यामुळेच पाचगणी व परिसरातील विद्यार्थ्यांना शिक्षणाची संधी प्राप्त झाली. बापूजींच्यामुळेच

सर्वसामान्यांना अपेक्षित शिक्षण मिळाले.त्यामुळे बापूजींचे कार्य लौकिक असेच आहे.

माजी विद्यार्थी संघाचे सचिव संजय आब्रांळे म्हणाले शिक्षणमहर्षी डॉ.बापूजी साळुंखे यांनी मेहता कॉलेज काढले त्यामुळेच परिसरातले अनेक विद्यार्थी विविध क्षेत्रात नोकरी व उद्योग क्षेत्रात भरारी घेऊ शकले .बापूजींच्या मुळेच आमच्या जीवनात परिवर्तन घडलेले आहे.

प्रास्ताविक सांस्कृतिक विभाग प्रमुख डॉ.अनंता कस्तुरे यांनी केले. सूत्रसंचालन प्रा.लोमेशकुमार कोळेकर यांनी केले. आभार डॉ. मुजावर आक्रम यांनी मानले .कार्यक्रमास गुरुदेव कार्यकर्ते व विद्यार्थी उपस्थित होते.